Делегация құрамынада:
Ма Мин — Тарым университетінің халықаралық алмасу және ынтымақтастық басқармасының директоры;
Гамингули Мұхатай — Тарым университетінің зоотехника және технологиялар колледжінің профессоры;
Ло Сяося — Тарым университетінің жаратылыстану ғылымдары және технологиялар колледжінің профессоры;
Би Цюшуан — Тарым университетінің Шет тілдер колледжінің аудармашысы.
Кездесудің мақсаты — Өсімдіктердің биологиясы және биотехнологиясы институты (ӨББИ) мен Тарым университеті арасындағы ғылыми ынтымақтастықты дамыту және өзара іс-қимылды тереңдету.
Негізгі бағыттар – озық инновациялық технологиялармен алмасу, бірлескен ғылыми зерттеулер жүргізу, сондай-ақ ғылыми кадрлар даярлау. «Бір белдеу – бір жол» бастамасы шеңберінде «Биоалуантүрлілік жөніндегі бірлескен зерттеу орталығы» бағыты бойынша бірлескен зертхана үшін негіз құруға ерекше назар аударылады.
Сапар барысында институт басшылығымен және ғалымдарымен кездесу өтті, онда ғылыми ынтымақтастықтың болашағы, жас ғалымдар мен ғылыми қызметкерлердің академиялық алмасу мүмкіндіктері, сондай-ақ өсімдіктер геномикасы, тұрақты ауыл шаруашылығы және биотехнология саласындағы бірлескен жобалар талқыланды. Делегация сонымен қатар институттың ғылыми-зерттеу зертханаларымен танысып, болашақ бірлескен жобалар туралы келіссөздер жүргізді.
Кездесу барысында ғалымдар одан әрі ынтымақтастық үшін бірлескен жұмыстың негізгі бағыттарын анықтады:
* Тарым университетінің шөлді және шөлейт аймақтардағы тәжірибесін ескере отырып, құрғақшылыққа төзімді өсімдіктерді тиімді пайдалану бойынша бірлескен зерттеулер жүргізу;
* Жылқы генетикасы бойынша бірлескен зерттеулер;
* Қазақстанның құрғақ және шөлді аумақтарында қолдану үшін «жасыл » технологияларды дамыту;
* Құрғақ аймақтардағы ауыл шаруашылығының ерекшеліктерін зерттеу, сондай-ақ бірлескен зертханалар мен ғылыми орталықтардың жұмысына қатысу мақсатында жас ғалымдар мен зерттеушілермен алмасу.
Өткен жылы, 2024 жылғы 17-24 қараша аралығында институттың бас директоры Қ. Жамбакин бастаған ӨББИ делегациясы Тарым университетіне, ҚХР-ға ресми сапармен барды.
Делегация құрамына:
— Е.К. Туруспеков – молекулалық генетика зертханасының меңгерушісі;
— М.Х. Шамекова – селекция және биотехнология зертханасының меңгерушісі;
— С.И. Абугалиева – молекулалық генетика зертханасының бас ғылыми қызметкер;
— З.Б. Сапахова – селекция және биотехнология зертханасының жетекші ғылыми қызметкері;
— Ш.С. Алмерекова – молекулалық генетика зертханасының жетекші ғылыми қызметкері;
— А.Х. Затыбеков – молекулалық генетика зертханасының жетекші ғылыми қызметкері.
Кездесу қорытындысы бойынша ИББР мен Тарым университеті арасында ынтымақтастық туралы Меморандумға қол қойылды.
Меморандумның мақсаты жоғары білім және ғылым саласындағы ынтымақтастықты нығайту және әріптестік қатынастарды орнату болып табылады. Меморандум шеңберіндегі ынтымақтастық: бірлескен жобаларды іске асыру, магистратура және докторантура бағдарламалары шеңберінде ғылыми кадрларды даярлау, ғылыми ақпаратпен және озық тәжірибемен алмасу, конференциялар, форумдар, консультациялар, семинарлар, симпозиумдар, дөңгелек үстелдер және басқа да іс-шараларды өткізуге қатысу арқылы жүзеге асырылатын болады.
Тарым Университетінің ректоры шетелдік ғылыми кеңесшіге сертификат тапсырды.
Тарым университетінің ректоры профессор Юн Сяньмин (Yun Xianming) докторанттардың шетелдік ғылыми кеңесшісі Шамекова Малика Хабидулаевнаны тағайындау туралы сертификатты салтанатты түрде табыс етті.
Қазіргі уақытта доктор М.Шамекова халықаралық академиялық ынтымақтастық шеңберінде әдістемелік және зерттеушілік қолдау көрсете отырып, екі докторанттың және бір магистранттың ғылыми кеңесшісі міндетін атқарады. Шетелдік ғылыми кеңесшіні тағайындау Малика Хабидулаевна Шамекованың екі ел арасындағы ғылыми байланыстарды дамытуға және Тарым университетінің зерттеу әлеуетін нығайтуға қосқан үлесін көрсетеді.
