«ЭКОСЕРВИС—С» ЖШС тапсырысы бойынша 2019–2020 жылдары Өсімдіктердің биологиясы және биотехнологиясы Институтында биология ғылымдарының докторы, профессор А.А. Нуржанованың жетекшілігімен (орындаушылар: бғк. Мурсалиева В.К., Нурмагамбетова А.C., Жумашева Ж.Н., Муханов Т.М.) «Кентау қаласы мен оған іргелес елді мекендердегі қоршаған ортаның жағдайы мен халық денсаулығына кешенді баға беру» жоба аясында зерттеулер жүргізілді.
Осы жобаның нәтижелері Қазақстан Республикасының «Арал өңіріндегі экологиялық апаттың салдарынан зардап шеккен азаматтарды әлеуметтік қорғау туралы» Заңына (2025 жылғы 30 маусымдағы № 200-VIII ҚР Заңы) өзгерістер енгізуге негіз болды. Жасалған өзгерістерге сәйкес, Кентау қаласы мен оған іргелес елді мекендердің аумағы экологиялық дағдарыс алдындағы аймақ ретінде жіктелді. Өзгерістер 2025 жылғы 1 шілдеден бастап күшіне енді.
Өз елінің өзекті экологиялық мәселелерін шешуге зор үлес қосқан ғылыми қызмет нәтижелерінің жоғары бағалануы үшін Өсімдіктер физиологиясы мен биохимиясы зертханасының ұжымын шын жүректен құттықтаймыз!
